اسكتش تخرج حضانة ( مستقبل وطن )
حفلة تخرج أطفال حضانة (ابتدائي)
الفكرة تدور حول أهمية هؤلاء النشء واهمية دورهم في المستقبل وإيمانا من الدولة بصفة عامة والكنيسة بصفة خاصة تعطي اهتماما كبيرا وخصوصا في الاوانة الأخيرة في حبرية قداسة البابا المعظم البابا توا ضروس الثاني
مجموعة شخصيات من الاطفال (ممكن عرائس لو الحوار صعب عليهم ) الخليفة علي المسرح مجموعة من الاطفال بزي مختلف ( طبيب طبيبة مهندس مهندسه محامي مدرس مستشار فلاح نجار حداد كاهن راهب راهبة ودول حيكون خليفة المسرح كل واحد ممكن يمسك الحاجة اللي تعبر عن مهنته
بداية الاسكتش
ماما تريزا ودي الشخصية اللي حيدور معاها الحوار مع الاطفال علي النحو التالي :
مينا : ياااااه بسرعة الايام بتجري
مارينا : الايام الجميلة يا مينا دايما بتعدي بسرعة
كاراس :غريبة رغم ان النهاردة حفلة التخرج والمفروض نكون فرحانين ومبسوطين لكان انا زعلان
مارينا : وانا كمان يا كاراس زعلانه خالص
مينا : من حقكم تزعلوا الحضانة جميلة خالص والمسيات حلوين قوي واللي أبونا 00000 حنين خالص
بيجول : انا معاككم احنا في الحضانة تعلمني حاجات حلو كتير لكان دي سنة الحياة
مارينا : بصوا شافين مين اللي جاي هناك يحضر معانا الحفلة
االاطفال مع بعض : الله دي ماما تريزا
مارينا : اليوم حيكون جميل خالص اهلا يا ماما تريزا
ماما تريزا: أزيكم يا حبايبي وحشوتني خالص خالص
الاطفال: وانت كمان يا ماما وحشانا خالص
كاراس : انت جاية من مكان بعيد ياماما علشانه
ماما تريزا : يبقي النهاردة حفلة التخرج بتاعت حبايبي ومحضرش
بيجول : ربنا يخليك لينا يا ماما تريزا
الاطفال : احنا مبسوطين خالص بوجودكِ وسطينا النها ردة وبوجود ابونا00000 والمسيات اللي دايما معانا
ماما تريزا : وانا كمان مبسوطة خالص خالص بس كنت عايزه اسال سؤال صغير
الاطفال : كلنا اذان صاغية ياماما تفضلي اسالي
ماما تريزا : محدش فيكم يا حبايبي سأل نفسه ليه الكنيسة مهتمة وخصوصا بالاطفال حد فيكم يعرف ؟
الاطفال : ممكن تقولنا يا ماما
ماما تريزا : اقولكم يا حبايبي علشان اولا: بابا يسوع وصي عليكم ثانيا : علشان انتم يا حبايبي مستقبل
وطن مش بس كده مستقبل كنيسة شارع حاره مستقبل مجتمع بالكامل
مارينا : يعني اية يا ماما مستقبل وطن
ماماتريزا : بصي يامارينا يا حبيتي بابا وماما في البيت لما بيهتموا بيكم علشان عايزنكم تبقي حاجة
كويسة تنفعوا نفسكم وكمان تنفوا الكنيسة والمجتمع
بيجول : وايه كمان ياماما تريزا
ماما تريزا : علشان الهدف ده يا بيجول حبيبي يتحقق يبقي لازم الكنيسة وكمان الدولة تساعد ومن ضمن
الحاجات الحلوه اللي عاملوه الحضانات
كاراس : كلامكِ مظبوط ياماما تريزا في الحضانة اتعلمنا حاجات حلوه كتير احب كل الناس احترمهم
واسمع كلام بابا وماما ومعملش حاجات وحشة علشان يبقالي مكان مع بابا يسوع في السما ومع
القديسين
ماما تريزا : وغيره كده يا كاراس يا حبيبي بكرة حتكبروا حيبقى في حد دكتور ومهندس ومدرس وعامل وضابط وقاض ونجار وحداد 0000000 وغير كده كتير
مينا : وكمان ياماما كاهن وراهب وخادم ولو بنت ممكن تكون راهبة اوخادمة
ماما تريزا : هايل يا مينا برافوكل واحد في عمله لازم يعمله بأمانة ويحافظ عليه ويلتزم بالمواعيد
ويساعد المحتاجين
مارينا : يعني قصدك ياماما تريزا ان بابا وماما بيهتموا بينا في البيت وهنا المسيات في الحضانة
ومدارس الاحد في الكنيسة علشان لما نكبر نكون حاجه كويسة
ماما تريزا : مش بس لما تكبري يامارينا ودلوقتي وانت صغيرة علشان تقدري تساعد نفسكِ وتبقي حاجة
كويسة وتفيد أسرتك والكنيسة والمجتمع والناس
كاراس : دايما بنستفيد منِك ونتعلم يا ماما تريزا ونتمي انك تكون معانا علي طول
ماما تريزا : حبايبي انا معاكم بقلبي ومشاعري وبحبكم جدا وانا جيت مخصوص النهاردة حفلتكم الجملية
علشان اقولكم حاجة وحده بس (ان انتم غالينا علينا قوي علشان انتم مستقبل وطن)
وعايزكم يا حبايبي دايما شاطرين وحلوين وتسمعوا الكلام ومتنسوش الحاجات الحلوة اللي
اتعلمتوه في الحضانة
الاطفال : مش حننساه يا ماما تريزا وانت كمان خليك فاكرنا
ماما تريزا : لو نسيتكم يا حبايبي يبقي انا دمرت وطن اشوفكم علي خير وكل سنة وانتم طبيبن
ميلاد بشارة
دي فكرة اسكتش ( حضانة –ابتدائي) ممكن تعدل عليها اوتضيف او تغير في الحوار ليك مطلق الحرية
منقول
الرب يعوض كل من له تعب فى الخدمة