اسكتش سلوكيات بالكنيسة
الالتزام بالكنيسة واحترام مدارس الاحد
اسكتش عن الالتزام فى مدارس الاحد
اهداف الاسكتش
١_ احترام الكنيسة
٢ الالتزام وعدم التريقة ونحترم بعض
************************
فلفل : صباح الخير يا اصحابى عاملين اية انا فلفل صاحبكم انا مبسوط اوى النهاردة علشان شوفتكم فى الكنيسة وانتوا شاطرين اوى علشان تحضروا القداس وتتناولة وبعد كدة بتحضروا مدارس الاحد وعلى فكرة انا كمان هحضر مدارس الاحد معاكم وانا متعود انى اعدى على صحبى جرجير وبنروح مع بعض استنوا انا هصحى وجييان معاكم نحضر مدارس الاحد استنوا لحظة . لحظة
( فلفل يخبط على باب جرجير )
فلفل : طخ . طخ يا جرجير يا جرجير
جرجير: مين . مين اللى بيخبط
فلفل : انا فلفل صحبك قوم يللا علشان نروح الكنيسة نحضر مدارس الاحد
جرجير : ( بيرد بأستهطار) وبعدين و بعدين معاك
فلفل:وبعدين اية يا كسلان طيب افتح هتسبنى برة كدة .. ادة
جرجير: يووووااا انت مزعج اهة...فتحت الباب عاوز اية دلوقتى بقا
فلفل : يللا يا جرجير علشان نروح مدارس الاحد
جرجير: يوووااا ارحمنى بقا انا اتخنقت منك كل اسبوع تعدى عليا وتقولى تعالة نروح مدارس الاحد والمشكلة انى بقولك حاضر ويروح معاك ويرجع البيت ولا حاجة عملتها فى الكنيسة
فلفل: طيب لية يا جرجير. انت مش بتستفيد من الترانيم و الالحان و لمزامير و القصة
جرجير:هة هة هة هة ترانيم و الالحان و المزاميرو القصة يا بنى انا اساسا مش بدخل مدارس الاحد
فلفل: يعنى اية مش بتحضر معانا
جرجير: طبعا لائة هة هة انا بداخلك و بعدين بطلع العب برة . وبلعب مع شوية العيال اللى برة بنلعب كورة ما تيجى نلعب مع بعض كورة
فلفل: طيب و مدارس الاحد
جرجير : سيبك يل عم لما نخلص المتش و بعدين ندخل مدارس الاحد اذا لسة موجودين موافق
فلفل : لائة طبعا انا مش وافق انا لازم احضر مدارس الاحد الاول وبعد كدة نلعب كورة لازم يا جرجير زى ما بنلعب كورة لازم نصلى ونحضر القداس ونتناول و نحضر مدارس
جرجير : لية يعني كل دة لازم لية
فلفل:علشان خاطر بابا يسوع . علشان بابا يسوع بيحبك و اتألم علشانك عشان كدة لازم نديلة حقة
جرجير: حقة .حقة.فى اية
فلفل: حقة زى انك تصلى انك تصوم انك تتناول و تحضر القداس انك تحضر مدارس الاحد علشان فى مدارس الاحد بيعلموك ازاى تحب بابا يسوع وتكون احسن واحد .
جرجير : ازاى احسن واحد
فلفل: يعنى يعلموك الصح من الغلط
جرجير: واية الصح و الغلط بقا
فلفل: الصح .انك تكون مطيع وتسمع الكلام لما الميس او الاستاذ يقولك حاجة تقولة حاضر. الميس لما تقولك يللا يا جرجير على مدارس الاحد تقولها حاضر يا ميس علشان بابا يسوع قال ابن الطاعة تحل علية البركة مش عايز يا جرجير بركة من بابا يسوع
جرجير : لا عايز يا فلفل انا بحب بابا يسوع اوى
فلفل: وهو كمان بيحب اوى بس لازم تسمع الكلام وتواظب على كل الحاجات اللى قولتهلك
جرجير : خالص ماشى يا فلفل انا هجرب احضر مدارس الاحد واشوف اللى هيحصل
فلفل: اوكى ياجرجير يللا بينا
جرجير : يللا يا فلفل
الميس: فعلا يا ولاد فلفل وجرجير راحوا مدارس الاحد وحضروا تعالة نعرف عملوا اية . واقولوا اية بعد ما خلصوا مدارس الاحد
جرجير : يااااايافلفل دى مدارس الاحد دى جميلة اوى
فلفل: شوفت ازاى جميلة قد اية
جرجير : جميلة خالص دة احنا اخدنا حاجات جميلة خالص اخدنا ترنيمة ( كان فى عنقود عنب )
واخدنا لحن جميل اوى اسمة( )
واخدنا قصة جميل خالص هى ( قصة القديس العظيم ابانوب) وكان قد اية كويس ومؤدب ومحترم ومش بيشتم ولا بيكذ ب و بيسمع كلام بابا وماما وبيحضر القداس وبيتناول وبيحضر مدارس الاحد وبيتعلم كلام بابا يسوع الجميل انا لا زم ابقا زى القديس العظيم ابانوب و دة كمان الميس بتقول ان ابانوب كان عندة (12)سنة يعنى كان صغير زينا ياااااا فعلا انا كنت وحش اوى يا فلفل وكنت مش بحضر اى حاجة فى الكنيسة ائة ائة انا زعلان اوى
فلفل : لائة يا جرجير اوعا تقول كدة بابا يسوع بيحبنا وبيسمحنا كلنا بس .المهم نرجع ومنعملش اى حاجة وحشة وهو هيسمحنا على طول ماشى يا جرجير يا حبيبى
جرجير: ماشى يا فلفل انا هبقا كويس وهلتزم فى الكنيسة وهروح اتأسف للميس والاستاذ على المعاملة الوحشة اللى انا كنت بكلمهم بيها وهروح اصلى علشان بابا يسوع يسامحنى .
فلفل : شاطر . شاطر يا جرجير ربنا معاك وهيسمحك وهيسمحنا كولنا
جرجير : باى يا فلفل
فلفل : باى يا جرجير
فلفل : طبعا انتوا شوفتوا جرجير بقا كويس قد اية وهيسمع الكلام واحنا كمان يا اصحابى لازم نتعلم من جرجير والقديس ابانوب ونكون ملتزمين فى القداس والتناول ومدارس الاحد ومنلعبشى برة خالص متفقين يا اصحابى ..
الاطفال : متفقين
فلفل : مش سامع
لاطفال : متفقين
فلفل : طيب يللا يا اصحابى اقولكم باى علشان أكمل مدارس الاحد زيكم باباى اشوفكم الشهر الجاى باباى باباى
لاطفال : باباى باباى