اسكتش الشهيد العظيم اسطفانوس
رئيس الشمامسة وأول الشهداء
علينا ان نهتم بمعرفة قصص القديسين العظماء ونحن بصدد ذلك من خلال
- معرفة المخدوم بصاحيب سيرة القديس العظيم اسطفانوس من خلال التوضيح فى الاسكتش
- ماذا ذكر عنه الكتاب المقدس فى سفر أعمال الرسل ؟
- لماذا لقب القديسين بأول الشهداء ورئيس الشمامسة ؟
فى البداية نرى قصة القديس وهى بعد قيامة المسيح له المجد وبعد الصعود وحلول الروح القدس على التلاميذ نرى فى سفر اعمال الرسل ان تم اختيار القديس احد الشمامسة ولكن فيما بعد تضايق اليهود جدا والغيرة بداخلهم وقاموا باحضار القديس واستجوابه ولكن الروح القدس تكلم على لسانه وافحم اليهود حتى انهم سدوا اذانهم ورموه بالحجارة وبداية الاسكتش كالتالى :
يدخل مجموعه شيوخ اليهود
الشيخ يهوذا : هنعمل ايه مع اسطفانوس لازم نتصرف ونلاقى حل مينفعش كدا
الشيخ حنانيا : ايوه صح احنا لو سكتنا مش هنعرف نتكلم مع الشعب تانى خالص وهنبقى علطلول ساكتين وحاطين راسنا فى الارض لازم نشوف حل لازم نشوف حل هنعمل ايه يا ترى هنعمل ايه ياترى
الشيخ قيافا : احنا كل مرة نتكلم مع اسطفانوس ونتحاور فى موضوع الناموس اسطفانوس بينتصر علينا وبصراحة وشنا بقى وحش خالص خالص لازم نتصرف ولازم نلاقى حل
الشيخ حنانيا : ايوه انا عندى فكره احنا احسن حاجه نيجى قدام المجمع كله ونقول اسطفانوس قال كلام وحش خالص وجدف على موسى والناموس
الشيخ يهوذا : برافو عليك يا شيخ حنانيا دى فكرة ممتازة لازم نعمل كدا يلا بينا
يخرج الجميع ويدخل فى المجمع ومعهم اسطفانوس
الشيخ قيافا: يا كل اعضاء المجمع احنا لقينا اسطفانوس بيتكلم كلام غلط على المجمع وعلى الناموس كمان وبيقول كلام غلط وحش خالص
الشيخ حنانيا: ايوه انا كمان سمعته بودانى بيقول انه يسوع الناصرى هيهد الهيكل والمكان المخصص لربنا وقال كمان ان يسوع الناصرى هيغير كلام موسى النبى خالص مينفعش طبعا كدا يا أعضاء المجمع لازم تشوفوا حل ولازم تتصرفوا معاه
احد الاعضاء المجمع : ايه الكلام الغلط ده يا اسطفانوس ده تجديف وكلام غلط على ربنا
احد الاعضاء : بصوا اسطفانوس وشه منور ازاى
احد الاعضاء المجمع : يا اسطفانوس قولنا كدا ايه رايك فى الكلام اللى قالوه عليك كدا الشيوخ احكيلنا
اسطفانوس: يا كل الناس اخواتى اسمعونى الله ظهر لابونا ابراهيم وقاله سيب بيتك وارحل وكمان وعده بنسل كبير وفعلا ابونا ابراهيم اطاع ربنا وسمع الكلام وطبعا ربنا عطاه اسحق واسحق كمان ربنا اعطاه يعقوب وبعد يعقوب جاب 12 ابن منهم طبعا يوسف اللى بقى الرجل التانى بعد فرعون ايام المجاعه الكبيره خالص وطبعا قال لخواته كلهم وكل العيلة جات مصر وسكنت هناك كتير خالص خالص وبعدين بسنين كتير خالص جه موسى النبى لكن موسى النبى هرب اما قتل الراجل المصرى وهرب للبريه وربنا ظهره هناك وقاله ارجع مصر متخافش ويخرج شعبه من العبودية وفعلا موسى رجع وخرج الشعب من العبودية وبعد موسى النبى جه يشوع لحد ما جه سليمان الحكيم اللى بنى الهيكل زى ما انتوا عارفين وطبعا ربنا مس بيسكن فى بيوت من مصنوعه بايد انسان عشان السماء كرسيه ولارض مكان رجليه عشان كدا انتوا دايما بتقاموا عمل الروح القدس مين من الأنبياء اباءكم مش اضطهدوه ومقتلهوش كل الأنبياء دول اتكلموا على مجئ الرب يسوع اللى انتوا صلبتوه
احد الاعضاء المجمع : يااه انت بتقول ازاى ده كلام غلط خدوه من هنا لازم يترجم خدوه
ياخدوا اسطفانوس ويحطوه فى الوسط ويمسكوا حجارة يضربوه
اسطفانوس : يااه انا شايف السما مفتوحه وابن الانسان جالس عن يمين العرش
احد الشيوخ اضربوا يلا اقتلوه
يضربوا اسطفانوس بالحجاره
اسطفانوس: يا رب ماتحسبش ليهم الخطية دى
يقع اسطفانوس وياخدوه للخارج
فى نهاية الاسكتش يقوم الخادم بالقاء الاسئلة على المخدومين لمعرفة مدى استفادة المخدوم من القصة
نحن نرى قصص القديسين كمنارة للكنيسة نستفيد من خلالها فى حياتنا الروحية ونتمثل بحياتهم علينا ان نعترف ان هؤلاء الشهداء قد بذلوا كل حياتهم فى سبيل المحافظة على ايمانهم بالرب يسوع ورفضوا اغراءات العالم من اجل ربنا يسوع المسيح
وفى نهاية القصة يقوم الخادم بقراءة القصة من خلال الكتاب المقدس وموجودة فى سفر اعمال الرسل وان يقوم المخدوم فى البيت ايضا بقراءة القصة ومعرفة كيفية استخراجها من الكتاب المقدس ويمكن عمل مسابقة بسيطة ايضا توضح القصة ويتم توزيعها على المخدومين فى الكنيسة حيث يقوموا بحلها فى المنزل اوالكنيسة علينا ان نستفاد من كل قصة فى حياة هؤلاء الرب يعطينا نعمة وبركة وتكون الاستفادة للجميع التى من خلال ناخد البركات والرب يبارك الجميع